Såleis vert andre kurset halde torsdagskveldane 8., 15. og 29. mars, frå kl 18.00 – 21.00. Diverre fekk ikkje alle som melde seg, plass denne gongen heller. Melder det seg nok deltakarar, held vi  gjerne tredje kurset i grunnopplæring på data. Alle kursa våre er opne også for interesserte i nabokommunane. Vi har hatt deltakarar frå Norddal på datakursa. Snakk om datainteresserte pensjonistar her inne i fjordane! Etter litt hjelp inn i dataverda og øving, opnar ei vid verd seg. På nettet finns det meste vi treng å lese. Spennande. Berre iveren ikkje vert så stor at vi vert hekta og ikkje har tid til å nyte turane i skog og mark. Vel, her inne i fjordstròka er sjølvdisiplinen så god at faren er heller liten for at råsene gror att.

Elles har vi hengt opp plakatar om nybegynnarkurs i biletredigering. På dette kurset skal vi lære å bruke verktykassa til m a å rette opp bilete, beskjere, flytte motiv frå eit bilete og over i eit anna, ta bort noko vi ikke likar på biletet, justere fargar og flikke på ”gamle” bilete. Fleire har meldt seg på nemnde kurs.

Dei som har gått nybegynnarkurset i biletredigering, kan få lære meir. Vi arrangerer såleis kurs for vidarekomne i biletredigering. Her får du m a lære å lage fotoserie, skrive tekst på bileta og legge til musikk. Så brenne det ut på CD/DVD og du kan syne serien din på TV-skjermen. Påmeldinga er i gang her også.

Bjarne Johansen er lærar på alle data-kursa våre.

Norddal Husflidslag og Mental Helse Stordal samarbeider om arrangering av kursa i biletredigering. Du kan melde deg på til Einar Valldal tlf 95 11 09 96 eller Anna Margrethe Drægebø Moe tlf 92 63 99 16. Er du interessert i kurset for nybegynnarar, tek du kontakt med Anna Margrethe.