Dagen for solskinnshistoriar er ikkje eit seminar eller kurs, men ein dag for kulturytringar og kunnskapsformidling. Me vonar at dagen kan bidra til kultur- og haldningsendring i synet på psykiske vanskar og menneske som slit psykisk.
Romeriksprosjektet skal arbeide for at den mest utsette og kompliserte brukargruppa (rus og psykisk liding samstundes) får betre hjelp. Då trengst det å skapast håp - både for brukarar, pårørande og fagfolk - om at det nyttar og at folk faktisk kan få det betre trass eit svært vanskeleg utgangspunkt.
Psykiatrien som fagfelt har dessverre gjennom historia kunne vise til mange negative erfaringar frå brukarar og pårørande. Framleis opplever folk kritikkverdige forhold i møte med psykiske helsetenester. Dette negative bildet blir forsterka av negativ medieomtale. Altfor sjeldan høyrer me om positive erfaringar der folk som slit psykisk, har opplevd å få god hjelp og klarer seg godt i samfunnet.
Dagen for solskinnshistoriar på Ullensaker kulturhus, Jessheim, ønskjer å snu negativt fokus til optimisme. Denne optimismen treng alle innbyggjarar å ta del i. Derfor er Solskinnshistoriedagen open for alle!

Artikkelen er hentet fra A-hus sine nettsider. Les mer her